﻿WHAKAKITENGA.
15.
Ā, i kite ahau i tētahi atu tohu i te rangi, he mea nui, he mea whaka­mīharo, toko­whitu ngā ana­hera kei a rātou ngā whiu whaka­mutu­nga e whitu; ko te whaka­oti­nga hoki ēnei o te riri a te Atua. 
Ā, ka kite ahau he mea e rite ana ki te moana kara­ihe, he mea whaka­nanu ki te kāpura; me te hunga i kaha i te kararehe, i tōna whaka­pakoko hoki, i tāna tohu, i te whika anō hoki o tōna ingoa, e tū ana i runga i te moana kara­ihe, kei a rātou anō ngā hāpa a te Atua. 
Kei te waiata hoki rātou i te waiata a Mohi, pono­nga a te Atua, me te waiata anō a te Reme; i mea rātou: “He nui āu mahi, e mīharo­tia ana, e te Ariki, e te Atua Kaha Rawa! Tika tonu ōu ara, pono tonu, e te Kīngi o ngā whaka­tupu­ranga! 
Ko wai e kore e wehi i a koe, e te Ariki? E kore hoki e whaka­korōria i tōu ingoa? Ko koe anake hoki te tapu ana; Ka haere mai hoki ngā tauiwi katoa, ka koro­piko ki tōu aro­aro; kua whaka­kitea hoki āu tikanga tika.” 
Ā, i muri iho i ēnei mea ka kite ahau, nā, kua puare te whare tapu o te ta­pe­nā­kara o te whaka­atu­ranga i te rangi. 
Nā, ka puta mai i roto i te whare tapu ngā ana­hera e whitu, i a rātou nei ngā whiu e whitu, he mea tātai ki te kōhatu utu nui, kāhore he koha, kanapa tonu, ā, ko ō rātou uma he mea whī­tiki ki te whī­tiki kōura. 
Ā, ka hoatu e tētahi o ngā mea ora e whā ki ngā ana­hera e whitu ētahi oko kōura e whitu, kī tonu i te riri o te Atua e ora nei ā ake ake. 
Nā, kua kī te whare tapu i te paoa, he mea nā te korōria o te Atua, nā tōna kaha hoki. Kīhai hoki tētahi tangata i āhei te tomo ki te whare tapu, kia mutu rā anō ngā whiu e whitu a ngā ana­hera e whitu. 
